GUODDI – Isiginnaartitsineq
Suliniut Guoddi suliniut immikkut ittumik isiginnaartitsineruvoq, tassanilu tukkartarneq erinarsornerlu avantgarde-duodjimit isumassarsiat tunngavigalugit ilusilersorneqarlutik. Immikkut ittumik samit kulturianni sanalunneq tunngavigalugu immikkoortut taakku eqqumiitsuliornermi misilittakkanut ingerlaarput."
Guoddi saamit avannaamiut oqaaseraat isumaqartoq ”tigumiarti” taannalu uani qitittut inissisimanerannut assersuutinngorluni. Timip ilai tigummiarneqarput, taakku tulluusimaarnermut nukittunermullu assersuutaapput – kisianni aamma nunap inoqqaavisut kulturitoqqamik ingerlatitseqqiisutut oqimaarsartinneqarnermik nanertuutinullu assersuutaalluni.
Guoddi taamaalilluni isiginnaartitsinermi qitiusumik ersersitsivoq – kulturimi kinaassutsimik oqaluttuarisaanermillu tigummiartoq.
Ilusilersuisartup aamma duojárip Ann-Sofie Kallokip, qitittartut Ánna-Katri Helander aamma Sebastian Björkman kiisalu erinniortup Anthoni Hættap suleqatigiinnerisigut eqqumiitsuliornikkut takutitsineq nutaaq misissuiffigineqarpoq, tassani timit ilaat sunniiginnarnatik aamma eqqumiitsulioriaatsinik allanik ilusilersuipput. Erinniortoq aamma qitittartut timip ilaasa isikkuinit, aalanerannit aamma pissusaannit isummersorneqarput.
Eqqumiitsuliap inernerani nipilersorneq qitinnerlu ataatsimoortinneqarput sakkortuumik, unamminartumik arlalinnillu annertussutsip uuttuutitalimmik misigisaqarfinngorluni. Isiginnaartitsineq qitinneriinnaanngilaq, aammali eqqumiitsuliat assigiinngitsut akornanni atassusiliilluni, ataatsimoorlutik asseqanngitsumik eqqamaanartumillu misigititsisut.
“Guoddi” Dáiddadállup 2024-mi ukiuni 10-nngortorsiorneranut atatillugu inniminnigaavoq.
Kredit
Avantgarde-duodji aamma atisat: Ann-Sofie Kallok Erinniortoq: Anthoni Hætta Qitittartut aamma qiteriaatsimik ilusilersuisut: Ánna-Katri Helander aamma Sebastian Björkman Kiinamut tarnutit aamma nutsat: Ina M. Tretnes Nipi aamma qulliit: Aira Dance Company Co-producer: Dáiddadállu
Uku tapiissuteqarsimapput: Dáiddafoanda, Arts and Culture Norway, Swedish Arts Grants Committee, Nordic Culture Point, Jokkmokks Kommune, KUPP aamma via residency, Jillat Sámi Dance Center.
Qujaffigineqassapput: kultimik pinnersaasiortut Angelina Clerici aamma Linn Fahsing, Esben T. Andersen, Beaivváš Sámi Našunálateáhter, Davvi Division, Hilde Skancke Pedersen, Juhls Silver Gallery aamma Fredrik Prost.
