SAQQUMMERSITSINEQ GUODDI
Ann-Sofie Kallok, duojári aamma ilusilersuisartoq, saamit nutaaliamik asseqanngitsunillu eqqumiitsuliaanik katersanik pilersitsimavoq, “Guoddi”-mi saamit ileqqutoqaannit aamma nutaaliaasumik eqqumiitsuliornerisa naapinneranni isiginnaartitsissummi suleqatigiinnermi pinngorsimasunik.
Suliniutip pingaarnertut sammisaraa avantgarde (nutaaliorneq) – pilersitsisinnaanermik suliaqarneq nutaaliorluni misileraallunilu saamit kinaassusaannik kulturiannillu aamma ileqqutoqaannik paasissutissiinissaq siunertaralugu. Ammasumik misileraanertalimmillu suleriaaqarnikkut Kallokip atortussat, periaatsit saqqummeeriaatsillu suliaqarfigisimavai, peqatigitillugulu duodjip iluani akuerisaasumik killit unammillersimallugit.
Nutaaliorluni- duodjimi ilaasut nutaamik pissanganartumillu eqqumiitsulioriaatsimik pilersitsinermut sammiviliisimapput. Qitittartoq Ánna-Katri Helander, erinniortoq Anthoni Hætta aamma qitittartoq Sebastian Björkman suleqatigalugit Kallok qitinnerup nipilersornerullu akornanni iliuuseqaqatigiinnermik pilersitsimavoq, sakkortuumik, unamminartumik arlalinnillu annertussutsip uuttuutitalimmik misigisaqarfiusumik ataatsimoortitsiffiusumik.
Guoddi saamit avannaamiut oqaaseraat isumaqartoq ”tigumiarti”. Uani tamanna qitittut inissisimanerannut assersuutinngorpoq - timip ilai tigummiarneqarput, taakku tulluusimaarnermut nukittunermullu assersuutaallutik – kisianni aamma nunap inoqqaavisut kulturitoqqamik ingerlatitseqqiisutut oqimaarsartinneqarnermik nanertuutinullu assersuutaalluni.
“Guoddi” Dáiddadállup 2024-mi ukiuni 10-nngortorsiorneranut atatillugu inniminnigaavoq.
