QULLAQ

QULLAQ

Isiginnaartitsissut tusarnaartitsinertalik

Qullaq isiginnaartitsissutaavoq tusarnaartitsinertalik, silarsuit imminnut ungasittut akornanni naapinnermit pinngorsimasoq: nunatsinnit siulitta nipaat, skotlandimiut nipilersornermi ileqqutoqaat — aamma nutaaliorneq — kiisalu italiamiut-danskillu isiginnaartitseriaasiat.

Suleqatigiinnermi uani katersorneqarput kalaallit erinarsortartut/nipilersortartut, qitittartut isiginnaartitsisartullu (Nive Nielsen, Hans-Henrik Suersaq Poulsen, aamma Miké Fencer Thomsen), skotlandimiu erinniortoq aamma agiartartoq (Aidan O’Rourke), aamma italiamiut isiginnaartitsinermik ilitsersuisut (Valerio Peroni & Alice Occhiali), taakku Danmarkimi suliffeqarfitsik Váli Theatre Lab, oqaatsit, kulturit sammisartakkallu aalajangersimasut akornanni eqqumiitsuliornikkut suliarisartakkatsik tusaamaneqaatigaat – ataavarttumik kulturit akornani oqaloqatigiinnerni.

Sammisat

Qulequtaq Qullaq — kalaallit oqaaseraat isumalik “qullariartorneq” — aallartinnermik naammassinninnermillu eqqarsaateqalersitsivoq. Innertut ilitsersuisutut kaajalukaarluni aalaneq, uterneq aallarnerlu eqqartorpai. Aamma taarmi qaamaneq assersuusiorpaa — kalaallit kulturianni oqaatsit isumai pingaarutillit, nunani issittuni unnuamit aamma seqernermit kaaviinnartumit itisuumik sunnigaasimasut. Qullaq taamaalilluni assersuutaalerpoq, sumiissutsimut, iternermut, neriuuteqarnermut aamma akerliunermut: qaamaneq tarranit nuivoq aqqutit nutaat qaammarsarniarlugit.

Kulturit, oqaluttuatigut kingornussarsianit ileqqutoqqat aamma ullumikkut oqaloriaatsit akulerunnerisigut tusarnaartitsinerup sammisat makku misissorpai angalaneq, ikaarsaarneq aamma qanga itsarnitsanit eqqaamasanik ullumikkut pisunik naapeqatigitillugit itersaanikkut.  Kisianni Qullaq aamma politikkikkut iliuusaavoq — kulturilerinermi assigiissaanermut anersaaqarpalaartumik akerliuneq, nunat inoqqaavisa nipaannik, nunani avinngarusimasunut aamma ileqqunik malunnaateqarnerunianngitsunik ajattuisartunut oqaluttuamik allaanerusumik neqeroorutaalluni.

Eqqumiitsuliortut ataatsimoornerat

Isiginnaartitsinerup, ukiuni makkunani Kalaallit Nunaanni kulturilerinermi nutaamik eqeersaaqqinnermik ingerlanneqartumik tarrarsuivoq, tassani kinguaariiaat nutaat oqaatsimikkut, anersaakkut nipilersornikkullu sorlatik piviusutut saqqummiuttarpaat. Qullaq taama eqqeeqqilernermut nipiuvoq – aamma politikkinut, namminneq piginngisaminnik eqqunngitsumik tiguaaniarsarisuaannartartunut kamalluni nillianerulluni. 

Nive Nielsenip, Hans-Henrik Suersaq Poulsenip aamma Miké Fencer Thomsenip takutitsineratigut, Qullaq ininngorpoq — nipilersornikkut isiginnaartitsinikkullu — qanga pisimasut siunissallu imminnut aporaaffiat, allanngortitsiffik nutarteriffillu.

Taakku takutitsinerat Aidan O'Rourkep immikkuullarissumik nipilersornerata nukittunerulersippaa, agiarluni skotlandimiut ileqquusumik nipilersornerat peqatigalugu nutaaliorluni nipilersorami. Misileraalluni nipilersornera piffissap kulturillu akornanni ikaartarfiliortutut ippoq, isiginnaartitsinerup nipilersornertaa annertunerulersillugu aamma qitiusumik oqariartuut nukkassarlugu: ileqqut uninngaannarneq ajorput, uumassuseqarlutilli — aamma avitseqatigiinnikkut ineriartortuaannartarlutik.

Takusassatigut aamma isiginnaartitsiffiup aaqqissuunnera, Valerio Peroni aamma Alice Occhialimit aaqqissuunneqarsimasoq, pissanganarsaarinermi qitiusumik inissisimavoq.  Qullaq isiginnaartitsissutaanngilaq nipilersornertalik nalinginnaasorsiortoq — sinnattutut ippoq, misigisimanermik pilersitsisoq nipilersornerup isiginnaartitsinerullu akulerunneranni takusassanik pilersitsillunilu killitsinnartumik itisiliisoq. Isiginnaartitsiffik ilorlikkut isiginnaartitsiffiulerpoq, tassani timit, nipit aamma assiliat malussaatinut aamma misigisaqartitsiffiulerlutik.

Najukkamit peqataatsitsineq

Isiginnaartitsiffinni tamani, peqataasut najukkami nipilersortartunik suleqateqarnissamut ammaassisarput: najukkami agiartartut isiginnaartitsinermut peqataapput, nipit pisuunngortillugit immikkut ittumik taama nipilersorneqaqqissinnaanngitsumik misigisaqartitsillutik.  Taama sunniivigeqatigiinnerup Qullaq kulturikkut isiginnaartitsinikkullu avitseqatigiiffinngortippaa — eqqumiitsuliornikkut iliuuseqarneq najugaqarfiit tikilluaqqusisut peqatigalugit suliarineqartoq.

Piffissami killit sukaterneqarfiini aamma assigiinngissuseq pillugu sorsuffinngorsimasumi, Qullaq-p naapinnerit, tusarnaarnerit aamma assigiinngiiaassuseqarneq nukittuumik uteriillunilu saqqummiuppai. Kinaassutsip assigiinngiaassuseqarnerullu nalliuttorsiutigineqarnera — kisianni aamma eqqumiitsuliorneq aqqutigalugu, oqaloqatigiissinnaanermik, ataqqinnissuseqarnermik aamma akiuussinnaassuseqarnermik akuersaarinninnissamut oqariartuut. 

CREDITS

"QULLAQ"

Isiginnaartitsisut/Nipilersortut/Erinarsortut/Erinniortut:

Aidan O’Rourke (Scotland)

Nive Nielsen (Kalaallit Nunaat)

Hans-Henrik Suersaq Poulsen (Kalaallit Nunaat)

Miké Fencer Thomsen (Kalaallit Nunaat)

Dramaturgy, Stage Directions and Scenic Actions:

Valerio Peroni (Italia/Denmark)

Alice Occhiali (Italia/Denmark)

Suliniut ukunannga tapersersorneqarsimavoq:

Dansk Komponistforening

Nordic Music Days

NAPA – Nunani Avannarlerni Piorsarsimassutsikkut Attaveqaat

Nordisk Kultur Fond

Suialaa Arts Festival

Statens Kunstfond

Augustinus Fonden

Nordic Theatre Laboratory

Creative Scotland