Inuussutigut // Ealát
Ammaanersiornermi sisamanngornermi oktobarip 23-ani nal. 18 peqataagit!
Nuummi Eqqumiitsulianik Saqqummersitsiviup aamma saamit eqqumiitsuliortoqatigiit Dáiddadállup Inuussutigut // Ealát suleqatigiillutik saqqummersippaat. Eqqumiitsuliortut kalaallit saamillu, nunani issittuninngaanneersut kulturit marluk naapinnerat saqqummersitsinermi takutinneqarpoq.
Saqqummersitsineq Suialaa Arts Festivalimut atatillugu ammaanersiorneqassaaq, eqqumiitsuliortut assigusunik sammisaqartut, assigusunik atortunik atuisartut, assigusunillu oqaluttuassaqartut, avannarlerni inissisimaffimminniit assigiinngitsuninngaanneerlutik naapisinneqarlutik.
Eqqumiitsulioriaatsit assigiinngitsut aamma performancernerit aqqutigalugit misigisimasat assigiit, inuunerillu, oqaatsillu nunatallu assigiinngitsut misissorneqarput. Saqqummersitsinermi peqataasut ilaat tassaallutik Arnajaraq Støvlbæk, Lisbeth Karline Poulsen, Máret Ánne Sara aamma Hilde Skancke Pedersen, kingornuttakkat, kinaassuseq sumiiffiillu eqqartorneqarput.
Eqqumiitsuliat assigiinngitsut, soorlu Aanaa aamma Akku (saamisut aanaa), naapisinneqarnerisigut kinguaariit, isumassuineq ataavarnerlu Nunani Avannarlerni issituni oqaluttuat perlarneqarput.
Saqqummersitsineq 2026-mi januaari ilanngullugu Nuummi Eqqumiitsulianik Saqqummersitsivimmi takutinneqassaaq. Saqqummersitsinermik suleqatigiinnermi aamma ilaapput performance, qitinnerit illoqarfimmilu oqaloqatigiinnerit.
Ammaanersiorneq sisamanngornermi oktobarip 23-ani nal. 18 pissaaq, isernerlu tamanut akeqassanngilaq. Tamulugassaqassaaq, aammalu kaffi tiilu. Peqataagisi – takuss! Saqqummersitsineq Birgejumpimit, Nunani Avannarlerni Piorsarsimassutsikkut Attaveqaat – NAPA-mit, Nordisk Ministerrådimit, aammalu Nuummi Najukkami Ataatsimiititaliamit tapersersorneqarpoq.
