Inuit Art Quarterly Release: The Sovereighnity Issue

Canadami eqqumiitsuliorneq pillugu atuagassiap Inuit Art Quarterly-p immikkut The Sovereignty Issue saqqummersinneqarnersiorneranut peqataagit!

Saqqummersinneqartumi ilaatigut makku allaaserineqarput:
- Jessie Kleemannip eqqumiitsuliortarnera kimittooq
- KIMIK-imi ukiuni 30-ni eqqumiitsuliat
- KIMIK-ip ukioq manna saqqummersitsineranit eqqumiitsuliat tallimat
- Kim Kleist Eriksenip eqqumiitsuliaa “Pissarsuit Nunaanni”
- Normee Ekoomiap, Tegan Voiseyp, Cora Kavyaktoip, Sarah Ayaqi Whalen-Lunnip aamma Amber Webbip eqqumiitsuliai allallu

Atuagassiaq Nuummi Eqqumiitsulianik Saqqummersitsiviup pisiniarfiani pisiarineqarsinnaavoq.

Atuagassiami allaaserineqartut arlallit saqqummersitsivimmi katersani takuneqarsinnaapput, eqqumiitsuliortullu arlallit naapinneqarsinnaassallutik. Saqqummersitsivimmi aqutsisoq, Nivi Christensen, atuagassiami ‘pulaartutut’ aaqqissueqataasimavoq, naapinneqarsinnaassallunilu.
Peqataagisi