Ella Marie: Saamisut Akiuussinnaasutut Nipi
Ella Marie Sápmi-meersuuvoq, Skandinaviap avannaaniittumi, nunap inoqqaavisa ilagaat eqqumiitsuliortuullunilu. Norgemiut/Sámi nipilersortartut ISÁK-imi siuttutut erinarsortartutut nersugaavoq, taakkulu 2016-imiit 2023-mut tusaamasaalluarsimapput . Spotify-imi 245 millionit sinnilinnit takuneqartarsimallutik aamma tusarnaartitsisartunik allanik, soorlu Alan Walkerimik, suleqateqarlutik nunarsuarmi tusarnaartitsisarsimapput, tassanilu Ella Mariep uummaarissumik takorannertumik takutitsisarnera yoik-imillu - Saamisut ileqqutoqqat malillugit erinarsoriaatsimik - pikkunartumik saqqummiussisarnera takusassiarisarsimavaat. Maannalu kisimiilluni erinarsortartutut, Ella Marie ukioq kingullerli nutaanik, piffissamut aalajangersimasumik attuumassuteqanngitsunik pikkunartunillu indie pop-inik nipilersornermik yoik-imillu erinarsornermik pilersitsiortorsimavoq.
Erinarsortartutut 2018-imi aallartippat, tassani Norgemi tv-kkut erinarsornermut unamminermi nuannarineqarluartumi Stjernekamp-imi ajugaammat. Taamanili inissisimanini erinarsortarninilu atorlugit Saamit pisinnaatitaaffiinik illersuilluni ilungersuussilerpoq. Qasusuilluni Saamit nunaannik illersuisuusarpoq, amerlasutigut ilungersuutigisamik ingerlatsisartunik, soorlu Greta Thunberg-imik, saqqummeeqateqartarluni, taamalu Skandinaviami inuit pisinnaatitaaffiinik oqaaseqartartutut siuttuusarluni. Ella Mariep erinarsuutimini ilaatigut nunamut ilanngutivinnermut aamma kulturikkut annaasaqartarneq ilannguttaraluarai Saamit akiuulluartarnerat, ataatsimoortarnerat tulluusimaarutiginnittarnerilu nuannaarutigalugit ilannguttarpai. Taalliortorpalaartutut oqaatsit erinnallu nunarsuarmi tamani nunap inoqqaavisa inuillu immikkoortitaasartut tamarmiullutik naalliuutigisartagaat ersisittarpai, tusarnaartuni nammineq inuttut Saamisut kingornussani saqqummersillugit toqqissisimanartumik tiguarsinnaasarpai.
Erinarsortarnermi saniatigut Ella Marie isiginnaartitsisuuvoq nalilersuisartunit nersorneqartartoq, inuttaaffigaa Ellos eatnu – La elva leve (Let The River Flow - Kuuk kuutsiinnarli), tassannga Ole Giæver filmiliornermi ingerlatsisuuvoq. Tassani isiginnaartitsisartutut atuuffimmini 1979-imi Norgep avannaani ilinniartitsisoq inuusuttoq ammip qalipaataanik immikkoortitaanissani pinaveersaarniarlugu Saamisut kinaassutsiminik isertuukkaa takutippaa, namminerlu inuunermini ullumikkut Norgemi Saamit pisinnaatitaaffiinik ilungersuutigisartakkaminik sanillersuussilluni. Ella Marie atuakkiortuuvortaaq, 2021-milu saqqummersinnikuuaa Danne galggat diehtit mun lean sápmelaš (Taamaattumik Saamiusunga ilisimasariaqarpat), taamatuttaarlu piviusulersaarutini assigiinngitsorpassuarni peqataasarsimalluni.
Ella Mariep kisimiilluni saqqummersitamini albummi immikkoortoq 1 saqqummiuppaa VARRA—isumaqartoq "blood"— 2025-p aallartilaarnerani, immikkoortullu aappaa 2 oktobarip naanerani saqqummersinneqarnissaa pilersaarutaavoq! Albummimi illuatungaatigut ukiuni hundredelikkaani Saamit nungusarneqarneranik illuatigullu ullumikkut Saamit kinaassusaannik, Skandinaviami sumiiffinni assigiinngitsuni eqqarleriit sammineqarput. Nunap immikkoortuani 40-t sinnerlugit tusarnaartitsilluni angalareersimalerpoq maannalu nutaanik pilersuutinik tiguartinnartumillu isiginnaartitsisarfimmi toqqaannartumik saqqummersitsiniarluni angalaaqqippoq!
