Guoddi tunngavigalugu nutaaliorluni qitinnermik workshop
Bures boahtin / Welcome / Isiginnaartitsissut Guoddi tunngavigalugu nutaaliorluni qitinnermik workshoppernermut tikilluaritsi
Workshopperneq marlunnik immikkoortortaqarpoq: ataaseq qitinnermut klasse ataaserlu nutaaliornermut workshopperneq, tassanilu nammineq paasisassarsiornissamut periarfissaqassaatit namminerlu qitinnermik pilersitsisinnaallutit.
Qitinnermut klassimi streetdance aallaavigalugulu streetdance-mi teknikkit assigiinngitsut misilerassavagut. Killiffiit aallaavigissavarput, streetdancemillu ilisimasaqareernissaq piumasaqaataanngilaq.
Workshopperneq Sebastian Björkmanimit aqunneqassaaq, Guoddi-mi qitittartut ilaat aamma ilusiliisartoq.
Guoddi Katuami Suialaa Arts Festivalernermi tallimanngorneq unnukkut isiginnaartitsissutigineqassaaq.
Sumiiffissaq: NuQi Community Dance Center Nuummi illorsuaq timersortarfimmi.
Ulloq: 18.-19. oktobari 2025
Piffissaq: 13.30 – 16.30
Workshoppernermik ilisarititsineq 19. oktobari (piffissaq kingusinnerusukkut nalunaarutigineqassaaq)
Siusinnerusukkut qitinnermik misilittagalinnut 12+inut (qiteriaatsit tamarmik)
Peqataasut tamulugassaqassapput
Workshopperneq tuluttut ingerlanneqassaaq.
Peqataanissamut nalunaarneq aamma apeqquteqarneq: uunga allattoqarsinnaavoq info@nuqidance.com qulequttatullu allaguk "workshop”
Workshoppernermi aqutsisoq
Sebastian Björkman inuusuttuuvoq sami eqqumiitsuliortartoq Sverigemeersoq.
Guoddimi, Katuami tallimanngorneq arfininngornerlu Suialaa Arts Festivalimi takutinneqartussami, qitittartut aamma ilusiliisartut ilagaat.
Inuiaat samit Skandinaviap avannaatungaani, Sverigemi, Finlanimi aamma Ruslandimi nunat inoqqaaviupput.
Sebastian qitittartutut urban styles tunuliaqutigaa - pingaartumik locking-imik aamma popping-imik taaneqartartunik Stockholmimi Kunstuniversitetimi streetdance pillugu perorsaanermik ilinniarsimasuuvoq.
Tamatuma saniatigut inuussutissarsiutigalugu qitittartutut Sebastianip nutaaliamik qiteriaatsimik aamma isiginnaartitsineq tunngavigalugu qitinnermik suliaqartarsimavoq.
Isiginnaartitsissut Guoddi qitittartoq/qitinnermik ilusiliisartoq Ánna-Katri Helander, duodji-mik eqqumiitsuliortoq Ann-Sofie Kallok aamma erinniortoq Anthoni Haetta suleqatigalugit pilersippaa.
Workshoppernermut isuma
Samit avannaamiut malillugit guoddi isumaqarpoq “tigummialik”. Isiginnaartitsissummi arlaannik kulturimut tulluusimaarutaasumik isumalimmik tigumminninnermut isumaqarlunilu nunap inoqqaavisut kulturimik tigumminnittuunermik isumaqarpoq.
Nutaaliornermik workshoppernermi Guoddi-mik isiginnaagassiamit isumassarsiat sammisallu tunngavigalugit aalasarneq qitittarnerlu paasisassarsiorfigissavagut. Tigummiaqarneq attassinerluunniit qanoq isumaqarnersut oqaluuserissavarput. Sammisat taakku tunngavigalugit timi, nammineq isumassarsiat, misigissutsit eqqarsaatigisallu aallaavigalugit aalariaatsit assigiinngitsut misilerassavagut. Tamatuma saniatigut atisat atortulluunniit atorneqartut aallaavigalugit qanoq qitittoqarsinnaanersoq paasiniassavarput.
Dáiddadállup ukioq 2024-mi ukiut qulinngortorsiornerani atatillugu Sebastian Björkman, Ánna-Katri Helander, Anthoni Hætta taavalu Ann-Sofie Kallok ilusilersorsimasaat, Guoddi, imissunneqarpoq. Workshoppi NuQi Dance, Dáiddadállu Nuup Eqqumiitsulianik Saqqummersitsiviallu suleqatigiinneranni piviusunngortinneqarpoq.
Assiliisuuvoq Johan Fredriksson
