Inuk Ingerlaartoq
Ukioq tassaavoq 1978-i. Qallunaat naalagaaffiat Malu inuusuttunnguaq Ålborg C-miit kujataata kitaani illut ataasiakkaanut aallartissimallugu najugaqartilersimavaat, ‘piorsarsimassuseq siunissaqartumi’ najugaqartillugu misigisimaniassagamiuk. Igaffimmi raadiu SUME’kkut erinarsuusiaata ilaanniik apissimasaraaq Malulu uniffeerussimalersimavoq.
Tassanngaannaq inummik takkuttoqarpoq nipilersuullu qamillugu. Antropologi nikorfasoq takuneqarsinnaavoq. Taanna oqarpoq oqaloqatiginninnissamut inniminniisimasoq. ‘Kalaallit inuusuttut Qallunaat Nunaannittut’ pillugit paasisassarsiornikkut sulissuteqartorooq. Maluli alarpaa qimallugulu allamut ingerlaalerluni. Kalaallit Nunaanut uteriartorniarluni. Piffissamut allamut uterusulluni.
Antropologip malippaa naammattagaq naatsorsukkanik allaqqasortalinnik atortussianillu ulikkaartumik naammalluni. Ukuit 300-t nunap, inuit inuillu tarneri nunasiaataalersimaneri ingerlaarfigilersarpaat; Ingerlapput ingerlapput antropologilli uneriasaartaqattaarpoq qasoqaluni nilliasaalersialluni “Sumukarpinuna? Utersaaginnarsinnaanngilatinila” Maluli akivoq: “Utersaanngilluaasarpunga, siumununa tamaani piujuarsimasut tungaannut ingerlallunga”.
Isiginnaartitsineq “Inuk Ingerlaartoq” tassaavoq Danmarkip nunasiaateqarsimanera nunasiaateqarunnaarneranilu Kalaallit Nunaanni akisussaasuuffia pillugu takutitassiaq. Performanciuvoq naligiinnginnermik erseqqissumik takuneqarpiarsinnaanngitsumik piginnaaneqarnikkut ilusilersuilersimaneq, oqaluttuarisaanermi ullutsinnilu immikkoortitaaneq, naqisimaneqarnikkut inuuniarnikkut piginnaaneqartariaqarneq taavalu minnerunngitsumik immini oqaluttuarisaaneq pillugu pigisinnaasariaqarnera pillugu ataavartumik eqqartorneqarfiusoq eqqarsalertitsiffiusorlu.
Performers: Nina Sikkersoq Kristoffersen, Elisabeth Heilmann Blind, Rikke Liljenberg, Øyvind Kirchhoff
Script: Naja Dyrendom Graugaard, Lotte Faarup
Translation: Makka Kleist
Sounddesign: Sirí Paulsen
Lightdesign og afvikling: Mads Deibjerg Lind
Scenografi, masks, costumes: Rolf Søborg Hansen
Direction: Lotte Faarup
Producer: Charlotte Rindom
Produktion: Det Olske Orkester
