Nunatta Isiginnaartitsisarfiata Nuuk Nordisk Kulturfestivalimi oqaluttuartartut nunanit assigiinngitsuneersut ilisaritissavai
Nuuk Nordisk Kulturfestivalimi sammisaq tassaavoq 'Angerlarsimaffik', nunanilu issittuni avannarlerni oqaluttuanik assigiinnik amerlasuunik peqarpugut, oqaluttuaatittalu ilusaanik imaanillu immitsinnut tarrarsorfigisarluta. Inooriaasitsivut piorsarsimassutsikkullu sorlaqarfeqaqatigiippugut, naapinnitsigullu oqaluttuanik immitsinnut avitseqatigiinnitsigut, ataatsimut paaseqatigiinneq ataqatigiinnerlu angusinnaavagut. Inimi isersimaqatigiilluni oqaluttuartumik tusarnaarluni immikkuullarissuuvoq, tamannalu nutaajunngilaq, inuimmi ukiuni tusindilikkaani oqaluttuuttaattuarsimapput aammalumi suli ullumikkut atugarilluarlutigu. Taamaattumik Nunatta Isiginnaartitsisarfia 'pisunut aallaviusunut' (back-to-basic) uterniarpoq, tassalu isiginnaartoqarluni eqqumiitsuliornermut nutaannginnerpaamut; oqaluttuanik oqaluttuarnermut. Ukioq manna festivalimi oqaluttuarneq pingaarnertut ukkallugu unnuit sisamat ingerlassapput.
Oktoberip 7.-10-ngat ilanngullugu unnuit tamaasa oqaluttuarnermik ingerlataqartartut oqaluttuartut misigineqarsinnaassapput. Oqaluttuarnerit isiginnaartitsisarfimmi taamaallaat ingerlanneqarnavianngillat, unnuilli ilaanni Nunatta Atuagaateqarfiani aammalu Nuutoqaq - Nuummi Katersugaasivimmi pisarumaarlutik.
Tusarnaarutikkut oqaluttuartunik tusarnaarluni (Podcast) ukiuni makkunani alutorineqarput, taamaattumillu oktoberip 11.-14-at ilanngullugu Nunatta Isiginnaartitsisarfiata torsuusarsuani tusagassiortut marluk Grønlandske Livshistorier-mik atserlugu tusarnaagassiorsimasut naapinneqarsinnaassapput. Tassani allat oqaluttuaat tusarnaarneqarsinnaassapput imaluunniit nammineq oqaluttuartoqarsinnaassalluni.
Fortællere fra Canada:
Louise Profeit LeBlanc https://nuuknordisk.gl/da/#/artist/louise-profeit-leblanc
Renaltta Arluk https://nuuknordisk.gl/da/#/artist/reneltta-arluk
Lee Miracle https://nuuknordisk.gl/da/#/artist/lee-maracle
Bill Coleman https://nuuknordisk.gl/da/#/artist/bill-coleman
Fortæller fra Færøerne:
Vivian Sjóðklett https://nuuknordisk.gl/da/#/artist/vivian-sjoklet
Grønlandske Livshistorier:
https://www.groenlandske-livshistorier.dk/
Nuuk Nordisk Kulturfestival vil foregå i Nuuk i dagene 7.-13. oktober 2019. Det er en festival som er arrangeret af Nordens Institut i Grønland og Kommuneqarfik Sermersooq – se mere her: https://nuuknordisk.gl/hjem