Ánnámáret
Ánnámáret – Anna Näkkäläjärvi-Länsman, tassaavoq issittumi nunaqavissut inuit Saamit ilaanninngaannertoq nipilersortartoq joikertartorlu. Erinaata nipia joikertariaasialu immikkuullareqisoq inuit siuaavi ingerlaartuarsimasut piorsarsimassusaaniik kingornussimanikuuai, Saamit tuttuutillik.
Ukiut kingullertigut Ánnámáret siuaami joikertariaasiat ilaquttani ujartuutigalugit oqaluttuarisaanermi allagaatit pilersissimasat toqqortaarsivimmiittut misissorsimallugit nassaartortarsimavoq. Suliaqarsimanerata kingorna, nipilersoqatigiit eqimattat pilersissimanermini kingorna eqqumiitsuliornikkut assigiinngitsutigut suleriuutsit pilersitsiortorsimavaat, atsernikuusimasaat Nieguid duovdagat – Dreamscapes. Tassaalluni nipi joikertariaaseq inngerut Carelian equngasoq jouhikko-imik atilimmiik pilersinneqartoq taavalu innaallagissatigut nipimik pilersitsinikkut atorlugu tusarnaatitsineq filmiliukkamik eqqumiitsuliamik ilasaq. The Dreamsvapes Ánnámárerip albumiliarereernerani nunarsuarmi nipilersornikkut nunarsuaani nipilersoqatinilu isertersimapput Womex 2023-imilu toqqagaanikuusimallutik eqimattatut tusarnaartitsimmallatut.
Ánnámáret nipilersornermini issittumi Saamit Saamit nunaanni inuuniarnerat piorsarsimassusaallu aallaavigingaatsiarsimavai. Issittup nunaanni ilaquttani tuttuuteqartut ilagalugit najugaqarnermini nipilersuusioruusaartarpoq nukissanillu aallerfigingaatsiartarlugu piorsarsimassuserni marlunni assigiinngitsuni peroriartorsimanini pinngoriartorfigisimaninilu aallavigingaatsiartarsimallugit. Imminni avammasissumilu qanoq aporaattarsimaneri assigiinngissusaallu takusarnermini allaaserisarlugit.
